CULTISTS AMBUSH & KPAI NEW DADDY DAYS AFTER HIS BABY NAMING CEREMONY

One guy wey dem dey call Elvis, wey be strong Aye member, don kpai!

Vikings cultists ambush Elvis last night for Ototie Street, Etevie Quarters, and gun him down.

But the part wey pain people pass be say Elvis just become a father last week Monday—he do naming ceremony for him pikin, dey happy say he don enter fatherhood. Now, just like that, him newborn baby don turn fatherless, and him babe don turn single mother! 😔

Sources talk say this na pure revenge mission!

Vikings dey para because dem bury one of their own yesterday—wey Aye boys kpai last month. As dem drop their member for ground, na so dem para go revenge, and Elvis na the target!

Street no get love! This war no go ever finish—today you dey spray bullet, tomorrow na your turn to collect!

If you still dey reason to join cult, think twice! The moment you join, just know say your life don enter danger!

---